«پىيادە مېڭىش » – ھېنرى دېۋىد تورو ئېيتقان لېكسىيە بولۇپ ، ئۇ تۇنجى قېتىم 1851-يىلى سۆزلەنگەن ھەمدە 1862-يىلى ماقالە سۈپىتىدە نەشر قىلىنغان . بۇ ئەسەر ، تورونىڭ ئون نەچچە يىل داۋاملاشقان پىيادە سەپەرلىرى ۋە خاتىرىلەرنى يېزىش جەريانىدا توپلىغان ماتېرىياللار ئاساسىدا يېزىلغان بولۇپ ، يازغۇچىنىڭ تەبىئەتكە بولغان شەخسىي بايقاشلىرى ئارقىلىق ياۋايى ئېكولوگىيە بىلەن جەمئىيەت ئوتتۇرسىدىكى مۇناسىۋەتنى تەھلىل قىلىدۇ . تورو بۇ لېكسىيەنى باشقا بارلىق لېكسى يەلىرىگە قارىغاندا كۆپرەك سۆزلىگەن بولۇپ ، ئۆزىنىڭ تەكشۈرۈش ، ئۆز-ئۆزىنى تەپەككۈر قىلىش ھەمدە ياۋايى ئېكولوگىيە توغرىسىدىكى پىكرىنى مۇكەممەللەشتۈرگەن . ئۇ ئالاقىدار ئىشارىلەر ۋە يېڭىچە يېزىش ئۇسلۇبىنى قوللىنىپ ، زامانىمىز جەمئىيىتىگە بولغان تەنقىدىنى يازغان بولۇپ ، بۇ ئەسەر ھازىرغىچە ئوقۇرمەنلەرنىڭ قىزغىن ئالقىشىغا ئېرىشمەكتە .